Leyendo...
Estás aquí:  Portada  >  Más Actualidad  >  Galicia  >  Artículo Actual

Amtega: 20 novos cursos de formación TIC online

Por   /  30/10/2016 

    Imprimir       Email
  • A Amtega ofrece 20 novos cursos de formación TIC online
  • Están accesibles a través da plataforma de teleformación da Rede CeMIT e o único requisito para acceder a eles é rexistrarse como usuario da Rede
  • Cunha duración entre 4 e 10 horas de duración cada un deles, poden ser seguidos en calquera momento e dende calquera lugar a través de internet
  • Unha vez superada a proba presencial do curso nalgunha das aulas CeMIT, o alumno poderá descargar o diploma de realización asinado dixitalmente

 

AmtegaA Axencia para a Modernización Tecnolóxica de Galicia (Amtega) pon a disposición de toda a cidadanía unha serie de 20 novos cursos de formación a distancia de diferentes temáticas relacionadas coas TIC a través da plataforma de teleformación EMA da Rede CeMIT.

O único requisito para acceder a esta formación online é ser usuario da rede CeMIT (https://cemit.xunta.gal/ema). Os cursos, de entre 4 e 10 horas de duración cada un deles, pódense realizar en calquera momento e lugar, sen estar pendente de convocatorias nin inscricións.

Unha vez completado todo o material que conforman os cursos, activaráselle ao alumno a opción do exame, proba que terá que realizar, obrigatoriamente e de forma presencial, nun aula CeMIT. Unha superada a mesma e realizada a enquisa obrigatoria, poderá descargar un diploma de realización asinado dixitalmente, cuxa veracidade se poderá comprobar na sede electrónica da Xunta de Galicia.

Os usuarios coñecerán antes do inicio de calquera acción formativa cales son as localidades onde poderán realizar as probas presenciais, e serán as propias aulas CeMIT de cada concello as que reservarán o espazo e programarán os días previstos para a avaliación.

Temáticas dos cursos

Os materiais formativos que compoñen estes cursos foron elaborados seguindo a Guía de boas prácticas para a publicación de obras documentais da Xunta de Galicia. A listaxe dos cursos dispoñibles é a seguinte:

· Control parental
· Seguridade informática
· Uso do libro electrónico
· Uso da tableta
· Uso da cámara dixital
· Uso dos dispositivos electrónicos
· O correcto aproveitamento dos smartphone
· Cloud computing
· Comercio electrónico
· Mercadotecnia e mercadotécnica nas redes
· Vendas no muro
· Posicionamiento social
· Creación de blogs
· Redes sociais
· Administración Electrónica
· Trámites económicos na Internet
· Factura electrónica
· Tramitación electrónica e xestión de documentación
· Seguridade en compras virtuais
· Innovación social

A Rede CeMIT

A rede CeMIT conta cun total de 98 aulas, presentes en 92 concellos. Desde a súa posta en marcha pola Amtega, fai cinco anos, a Rede leva impartidas máis de 204.000 horas de formación gratuíta, principalmente en alfabetización e capacitación dixital a preto de 58.000 usuarios rexistrados.

A rede ofrece tamén formación especializada por colectivos grazas á súa colaboración co Centro Demostrador TIC, o Centro de Novas Tecnoloxías de Galicia e a Escola Galega de Administración Pública, retransmitindo xornadas e actividades a través da súa rede de videoconferencias.

A listaxe completa e a localización das aulas CeMIT poden ser consultados en: http://cemit.xunta.es/centros.

    Imprimir       Email

También te recomendamos...

servicio-publico-de-empleo-estatal-prestaciones-sepe-antes-inem_img238015t0

Paro novembro: baixa nun 9,6%, o maior descenso producido neste mes desde hai 18 anos

Leer mas →