Leyendo...
Estás aquí:  Portada  >  Más Actualidad  >  Galicia  >  Artículo Actual

Axudas, desde os 1.215 € aos 1.788 € por beneficiario, para os titulados universitarios desempregados que desexen cursar másteres oficiais no SUG

Por   /  15/09/2016 

    Imprimir       Email
  • Aberto o prazo de axudas para os titulados universitarios desempregados que desexen cursar másteres oficiais no SUG
  • A Consellería de Cultura e Educación habilita unha partida de 200.000 euros para estas bolsas
  • Os interesados dispoñen dun mes de prazo para formalizar a solicitude

 

logo_DOGA Consellería de Cultura, Educación e Ordenación Universitaria publica hoxe no Diario Oficial de Galicia (http://www.xunta.gal/dog/Publicados/2016/20160915/AnuncioG0164-060916-0002_gl.html ) a convocatoria de axudas destinadas a titulados universitarios en situación de desemprego para cursar másteres oficiais no curso 2016-2017, dotada con 200.000 euros.

A contía da bolsa, que vai desde os 1.215 € aos 1.788 € por beneficiario, cubrirá o importe correspondente a 60 créditos de primeira matrícula do máster universitario segundo os prezos públicos fixados pola Xunta para este curso académico.

Tal como establece a convocatoria, os interesados en solicitar estas bolsas deben estar a día de hoxe en situación de desemprego, posuír un título universitario expedido con anterioridade ao 1 de xaneiro de 2014; estar matriculado no curso 16-17 nun máster oficial ofertado polas universidade so Sistema Universitario de Galicia, cun mínimo de 60 créditos; residir en Galicia polo menos nos últimos dous anos; e estar inscrito como demandante de emprego durante un período igual ou superior a 180 días; entre outros.

O prazo de presentación de solicitudes é dun mes a partir de mañá e as solicitudes deberán formalizarse preferiblemente por vía electrónica na sede https://sede.xunta.es; ou ben en soporte papel nos rexistros legalmente establecidos.

Esta liña de axudas responde, un ano máis, ao compromiso da Consellería de Cultura e Educación de continuar apoiando aos titulados universitarios en situación de desemprego co fin de mellorar as súas posibilidades de incorporación ao mercado de traballo.

 

    Imprimir       Email

También te recomendamos...

NoticiasValdeorras se integra en CreandoTuProvincia

Leer mas →