Leyendo...
Estás aquí:  Portada  >  Más Actualidad  >  Galicia  >  Artículo Actual

Román Rodríguez expón no Parlamento os avances nos que se está a traballar na ruta portuguesa e as previsións de traballo no eido da protección do Camiño de Santiago

Por   /  17/09/2015 

    Imprimir       Email
  • O conselleiro de Cultura e Educación salienta o firme compromiso da Xunta cos Camiños de Santiago do Norte, que se acredita nun investimento de preto de 12 millóns de euros

O conselleiro de Cultura, Educación e Ordenación Universitaria explicou onte no Parlamento galego os avances que o seu departamento ten acometido no eido da protección dos Camiños de Santiago, “un símbolo de orgullo e identidade” e “un recurso sustentable” −dixo−, lembrando seguidamente que a Xunta de Galicia, a través da Dirección Xeral do Patrimonio Cultural, leva comprometidos ou investidos preto de 12 millóns de euros nos Camiños do Norte desde 2009 até o día de hoxe.

Román Rodríguez explicou que desde a Dirección Xeral do Patrimonio Cultural xa se teñen iniciado os traballos para unha delimitación definitiva do Camiño Portugués e que nos vindeiros meses de outubro e novembro comezarán as reunións previas á incoación cos distintos concellos polos que pasa esta ruta. Ademais, estímase para o vindeiro ano encomezar os estudos previos na ruta da Prata, coñecida tamén como Camiño Mozárabe e, en función das dispoñibilidades orzamentarias, no Camiño de Fisterra e Muxía. Finalmente, o conselleiro lembrou que a nova Lei prevé a incorporación do Camiño de Inverno como unha ruta principal do Camiño de Santiago.

el_camino1

Marco legal: a nova Lei de Patrimonio
Logo de explicar o marco legal vixente que afecta aos Camiños de Santiago e de concretar o xeito no que se establecen os procesos de protección das rutas xacobeas, o conselleiro destacou a forza legal que para eles terá a nova Lei do Patrimonio Cultural de Galicia.

A Lei, afirmou o conselleiro, supón “unha oportunidade para conservar, poñer en valor e dinamizar os Camiños de Santiago”. Trátase dunha normativa que procura o consenso con todos os actores implicados e que, loxicamente, será sometida ao preceptivo debate parlamentario nos vindeiros meses, “no que serán escoitadas e tidas en conta todas as achegas que redunden nunha mellora da protección do patrimonio cultural galego”, en palabras de Román Rodríguez.

Neste senso, o titular de Cultura explicou que a norma que está a tramitar o Goberno galego será o novo alicerce da política de protección, conservación, sensibilización e posta en valor en materia de patrimonio que se execute na nosa comunidade. Unha Lei máis adaptada aos requirimentos actuais, ao marco normativo internacional e á experiencia acumulada nestes anos.

    Imprimir       Email

También te recomendamos...

La mercancía incautada

Detenidos en Oímbra dos vecinos de Portugal por un delito contra la propiedad industrial por transportar ropa falsificada por valor de 11.000 euros

Leer mas →