Leyendo...
Estás aquí:  Portada  >  Más Actualidad  >  Artículo Actual

A Deputación de Ourense presenta a exposición “Periferias da fotografía na Colección Alcobendas”

Por   /  29/10/2015 

    Imprimir       Email
  • A inauguración da mostra terá lugar esta tarde, ás 20.15 horas, no Centro Cultural “Marcos Valcárcel”

A sala de exposicións do Centro Cultural “Marcos Valcárcel” estrea nova exposición: “Periferias da fotografía na Colección Alcobendas”. A inauguración da mostra terá lugar esta tarde, ás 20.15 horas, no Centro Cultural. O acto de presentación contou coa presenza do director do Centro Cultural, Francisco González; o asesor de Cultura da Deputación, Aurelio Gómez Villar; e os curadores da mostra, José María Díaz-Maroto e Vítor Nieves.

Francisco González asegurou que ter esta exposición no Centro Cultural “é un pracer pois é unha parte dunha das mellores coleccións de fotografía contemporánea que se poden ver hoxe no noso país”, e engadiu, “xa o ano pasado intentamos ter esta exposición aquí pero por diferentes cuestións burocráticas non foi posible ata agora”.

Presentación da exposición Periferias da fotografía na Colección Alcobendas

Presentación da exposición Periferias da fotografía na Colección Alcobendas

Pola súa banda, José María Díaz-Maroto, que agradeceu estar en Galicia, afirmou que “esta exposición é a máis importante da Colección Alcobendas que se fixo en Galicia”. José María tamén fixo alusión a labor de comisariado que se fixo para esta exposición “coa intención de contar algo máis ca reunión dunha serie de fotografías e de nomes. É certo que hai nomes de moito prestixio, concretamente hai cinco premios nacionais nesta exposición pero, o importante é a coherencia, o sentido que ten, o achegamento á intención do contido do Festival”.

Nesta exposición están presentes imaxes que son fotogramas das cales non existe un negativo, son orixinais. Outra das obras son emulsión sobre area, é dicir, a base fotográfica é un lenzo que posteriormente se lle incluíu area e logo emulsionouse fotográficamente. Nesta mostra atópanse tanto a peza máis grande da colección de Gonzalo Puch, e a peza máis pequena, de 10cm de diámetro, de Eduardo Cortils.

A inauguración da mostra que terá lugar esta tarde, ás 20.15 horas, realizarase “unha pequena visita guiada por cada unhas das fotografías que compoñen esta exposición para coñecer a historia de cada unha delas”, asegurou Vítor Nieves.

O Outono Fotográfico que leva realizándose dende hai 33 anos, é “unha das actividades culturais máis importantes que se celebran na nosa cidade cunha transcendencia importante fóra dos límites da provincia”, afirmou o asesor de cultura da Deputación.

A Colección Alcobendas que nace fai 22 anos e que se mantivo ao longo do tempo está composta por 850 fotografías de 153 fotógrafos españois.

 

    Imprimir       Email

También te recomendamos...

NoticiasValdeorras se integra en CreandoTuProvincia

Leer mas →