Leyendo...
Estás aquí:  Portada  >  Más Actualidad  >  Artículo Actual

Daniel Pérez, récord no campionato do mundo, recibido por Manuel Baltar

Por   /  14/12/2015 

    Imprimir       Email
  • Manuel Baltar recibe ao ximnasta ourensán Daniel Pérez, récord no campionato do mundo na modalidade de trampolín
Bernardino González, Daniel Pérez e Manuel Baltar

Bernardino González, Daniel Pérez e Manuel Baltar

 

O presidente da Deputación de Ourense, Manuel Baltar, acompañado do asesor de Deportes da institución provincial, Bernardino González, recibiu hoxe no Pazo Provincial ao ximnasta ourensán Daniel Pérez, quen acadou un récord no campionato do mundo de ximnasia na modalidade de trampolín, celebrado o pasado mes de novembro en Odense (Dinamarca). Daniel Pérez, de 21 anos, integrante da selección española, entrou na historia da ximnasia ao converterse no primeiro ximnasta en executar un cuádruple salto mortal na modalidade de “Dobleminitramp”, realizando unha magnífica final na que acadou o 4º posto cun elemento de máxima dificultade.

O presidente do goberno provincial felicitou a Daniel Pérez “por ser un referente na ximnasia ourensá, que tantos logros ten dado ao deporte na nosa provincia” e animouno a seguir progresando e colleitando éxitos nas vindeiras competicións nas que vai participar: o Campionato de Europa, que se celebrará en Valladolid os vindeiros meses de marzo e abril de 2016, e os Xogos Mundiais de 2017, que terán lugar en Cracovia (Polonia).

    Imprimir       Email

También te recomendamos...

NoticiasValdeorras se integra en CreandoTuProvincia

Leer mas →