Leyendo...
Estás aquí:  Portada  >  Más Actualidad  >  Artículo Actual

Estudantes de Maside e San Amaro aprenden a obter seda da man do Proxecto Enredando, artesanía na escola

Por   /  20/05/2015 

    Imprimir       Email

Centro-Galego-de-Artesania_01-550x215

 

O C.P.I. Terras de Maside, do concello ourensán de Maside e o C.E.I.P. Eulogio Gómez Franqueira, en San Amaro, acollen hoxe o proxecto Enredando, artesanía na escola, que pon en marcha a Consellería de Economía e Industria a través da Fundación Centro Galego da Artesanía e do Deseño e que durante este trimestre está a permitir a alumnos de 16 colexios de toda Galicia aprender a obter seda. O obxectivo desta iniciativa é achegar aos máis novos os oficios artesanais, contribuíndo así á promoción e posta en valor do sector artesán galego, unha das liñas de acción do novo Plan de Artesanía de Galicia.

Coa segunda parte da unidade didáctica O gremio da seda, o alumnado que xa participara anteriormente no proceso de coidado e a evolución dos vermes da seda coñece da man de artesáns expertos a extracción desta para a confección do fío de seda.

Enredando, artesanía na escola conta tamén cunha unidade didáctica centrada na elaboración e encadernado de papel, Do papel ao libro, para alumnado de 3º ciclo de primaria e 1º ciclo de secundaria, cuxo comezo está previsto en próximas datas.

Os principais obxectivos deste proxecto, que conta coa colaboración da Consellería de Cultura, Educación e Ordenación Universitaria, son concienciar a sociedade do valor do produto feito á man así como presentarlle aos rapaces e rapazas que a artesanía pode ser tamén unha boa alternativa para o seu futuro laboral. Tamén impulsar o relevo xeracional nos oficios máis tradicionais promovendo o desenvolvemento da artesanía galega a través da formación de futuros artesáns creadores; e amosar á sociedade o valor engadido da artesanía en canto á súa creatividade, patrimonio cultural e tradición.

Contribúese así á posta en valor do sector artesán, unha das liñas de acción do Plan de Artesanía de Galicia, co obxectivo de conseguir un sector artesán sólido e sostible no tempo e que contribúa ao crecemento da economía galega, incidindo na competitividade empresarial e a potenciación do talento galego.

    Imprimir       Email

También te recomendamos...

NoticiasValdeorras se integra en CreandoTuProvincia

Leer mas →