Leyendo...
Estás aquí:  Portada  >  Más Actualidad  >  Artículo Actual

O “2º Rally Mix da Gudiña” reunirá a máis de 70 pilotos da modalidade terra-asfalto

Por   /  05/05/2015 

    Imprimir       Email

Guillermo Lago, Manuel Baltar e Iván Corral

 

O presidente da Deputación de Ourense, Manuel Baltar, acompañado do alcalde da Gudiña, Guillermo Lago; do presidente da Federación Galega de Automobilismo, Iván Corral; do asesor de Deportes da Deputación, Bernardino González, e de representantes da Escudería HCC-Competición, presentou hoxe na Sala de Xuntas do Pazo Provincial o 2º Rally Mix da Gudiña, unha proba automobilística que terá lugar os vindeiros 9 e 10 de maio e na que se prevé a participación de máis de 70 pilotos.

Manuel Baltar destacou a longa tradición que ten a provincia de Ourense no mundo do motor, e sinaladamente á Gudiña “onde xa se celebrou con gran éxito o Rally Mix na súa primeira convocatoria, convertendo a esta contorna nun punto de encontro desta modalidade deportiva, concitando o interese de afeccionados ao mundo do motor”. O presidente do goberno provincial agradeceu ao Concello da Gudiña e aos co-organizadores do rally –a escudería HCC-Competición, xunto coa Deputación de Ourense- o esforzo que realizan para a planificación e desenvolvemento da proba, e tamén á Federación Galega de Automobilismo polo seu apoio a este evento deportivo.

Esta competición, que se corre en asfalto e terra, que ten a súa orixe en Irlanda, está a consolidarse dentro do panorama de rallys de Galicia e do nacional, segundo explicou Guillermo Lago, quen destacou que este evento “permite promocionar a natureza, gastronomía e o turismo da contorna da Gudiña”.

Os tramos polos que discorrerá a proba abranguen en total 11 quilómetros de terra e asfalto, nun concello que segundo dixo Iván Corral “é pioneiro en rallys de terra, o cal é de agradecer porque así estamos a fomentar o deporte de base nesta modalidade”. Corral agradeceu tamén a aposta decidida da Deputación de Ourense á que cualificou como “unha referencia para outras administracións no que se refire ao apoio que brinda ao mundo do motor”.

    Imprimir       Email

También te recomendamos...

NoticiasValdeorras se integra en CreandoTuProvincia

Leer mas →