Leyendo...
Estás aquí:  Portada  >  Más Actualidad  >  Artículo Actual

Pereiro de Aguiar contará cun terceiro médico

Por   /  29/01/2016 

    Imprimir       Email

O CENTRO DE SAÚDE DE PEREIRO DE AGUIAR INCORPORARÁ UN TERCEIRO MÉDICO O VINDEIRO MES DE FEBREIRO

  • Con esta medida a Xerencia de Xestión Integrada aposta pola calidade asistencial ampliando o cadro persoal e os tempos de consulta

  • O reforzo de persoal médico levará parello o aumento da carteira de servizos, con novos programas preventivos e de educación sanitaria, como o Programa da Muller

SERGASDando cumprimento ao seu compromiso de adecuar a oferta sanitaria ás necesidades e actividade asistencial de cada concello, a Xerencia de Xestión Integrada do Servizo Galego de Saúde en Ourense incrementará o cadro de persoal médico do Centro de Saúde de Pereiro de Aguiar cun terceiro facultativo, que se incorporará o vindeiro día 4 de febreiro.

O incremento de persoal médico permitirá reforzar a asistencia deste centro de saúde, posibilitando a mellora da calidade asistencial e de seguimento dos programas sanitarios de prevención e coidado da saúde.

O cadro de persoal do centro de saúde quedará así formado por tres médicos, dúas enfermeiras e un administrativo, dotación de persoal óptima para dar resposta á demanda sanitaria deste concello, que experimentou un aumento de poboación nos últimos dez anos, pasando de 3.000 usuarios, en 2006, aos actuais 3.433, un incremento do 14,4%, pouco habitual no noso entorno.

O reforzo de persoal médico levará parella a potenciación da súa carteira de servizos, xa que a maior calidade de tempo asistencial permitirá, aos seus profesionais, desenvolver novos programas preventivos e de educación sanitaria destinados á poboación, como o Programa da Muller.

Novo Programa da Muller

O Programa da Muller está centrado na súa atención integral, ao longo de toda a súa vida, atendendo tanto ás distintas etapas do ciclo reprodutivo como á prevención ou controis de saúde específicos do seu xénero. Así, o programa inclúe o asesoramento e atención, por parte dos propios profesionais do centro, sobre planificación familiar, anticoncepción ou embarazo, revisións xinecolóxicas básicas, seguimento do embarazo normal, diagnóstico precoz do cancro xinecolóxico e complicacións da menopausia.

Xunto a posta en marcha deste novo programa asistencial, tamén reforzarase o programa de mellora na atención a pacientes crónicos e polimedicados, que ten por obxectivo mellorar a calidade e seguridade asistencial da prestación farmacéutica, mediante o asesoramento sobre o uso de fármacos, resposta aos problemas relacionados co uso de medicamentos e continuidade terapéutica nos pacientes crónicos.

Asemade, continuarase coa estratexia galega de coidados paliativos, para a atención dos pacientes que presentan enfermidades avanzadas e progresivas, así como co programa de diagnóstico e tratamento da enfermidade pulmonar obstrutiva crónica (EPOC), e o de seguimento do paciente diabético.

Por último, cabe subliñar a eficacia dos programas de acceso inmediato á consultas ou probas diagnósticas especializadas, mediante as vías rápidas, iniciadas pola Xerencia de Xestión Integrada de Ourense, xa en 2010, e que permiten aos profesionais Primaria á derivación directa e inclusión do paciente nun circuíto asistencial rápido para o seu diagnóstico ou tratamento, ante a sospeita de cancro de pulmón, mama, vexiga, próstata, colorectal ou de larinxe, ademais das específicas de melanoma, demencia ou lumbalxia.

    Imprimir       Email

También te recomendamos...

NoticiasValdeorras se integra en CreandoTuProvincia

Leer mas →