Leyendo...
Estás aquí:  Portada  >  Valdeorras  >  Carballeda  >  Artículo Actual

Axuda de 10.000 euros para a adquisición dun vehículo para ASFAVAL

Por   /  20/10/2016 

    Imprimir       Email
  • A Xunta de Goberno da Deputación destina máis de 340.000 euros para temas de cultura, deporte, infraestruturas e benestar
  • Valdeorras: Axuda para a Asociación de Diminuídos Psíquicos de Valdeorras (ASFAVAL) para a adquisición dun vehículo e convenio de cooperación entre o goberno provincial e Carballeda de Valdeorras para a prestación pola Deputación do servizo de inspección dos tributos municipais para o período 2016-2019
Xunta de Goberno 20/10/2016

Xunta de Goberno 20/10/2016

 

A Xunta de Goberno da Deputación de Ourense celebrada esta mañá no Pazo Provincial aprobou destinar un total de 343.086,25 euros para temas de cultura, deporte, infraestruturas e benestar, en axudas para asociacións e concellos da provincia de Ourense. Así o informou a deputada de Transparencia e Goberno Aberto da Deputación de Ourense, Montserrat Lama, quen deu conta dos acordos da Xunta de Goberno correspondente ao xoves 20 de outubro.

En concreto, a Xunta de Goberno aprobou en materia de cooperación coas asociacións da provincia, unha axuda de 10.000 euros para gastos de funcionamento e mantemento da Asociación Cultural da Castaña; unha axuda para a Asociación de Diminuídos Psíquicos de Valdeorras (ASFAVAL) para a adquisición dun vehículo, por importe de 10.000 euros, e para a Fundación Carlos Casares, 25.000 euros para actividades da entidade correspondentes ao ano 2016.

No ámbito deportivo aprobou unha axuda de 9.000 euros para a Escudaría Ourense, para a celebración do Rally Ourense 2016, e ratificou o convenio de colaboración entre a Federación Galega de Judo e Disciplinas Asociadas e a Deputación de Ourense para a posta en marcha e co-financiamento dunha escola provincial de base de judo, para o cal o goberno provincial concede unha axuda de 3.000 euros.

No relativo á cooperación cos concellos da provincia, a Xunta de Goberno vén de aprobar unha axuda para o Concello de Bande por importe de 9.222,56 euros para a mellora da infraestrutura da levada de auga de Sarreaus a Bande; dúas axudas para o Concello de Baños de Molgas: 9.000 euros para adquisición dunha rozadora e 25.000 euros para a mellora das instalación deportivas. Para o Concello de Beade aprobou unha axuda de 24.441,20 euros para a instalación de maquinaria de elevador na Casa do Concello, e para o Concello de Carballeda de Avia, unha axuda por importe de 10.000 euros para a reparación dos danos ocasionados pola electricidade atmosférica na instalación da iluminación pública de Vilar de Condes e Muimenta. Outra das axudas aprobadas foi para o Concello de Cartelle para o equipamento do auditorio municipal por importe de 6.000 euros, e para o Concello de Castrelo do Val, unha axuda de 17.900 euros para a adaptación dos velorios de Piornedo, Fontefría, Monteveloso e Veiga de Nostre.

Para o Concello de Celanova, a Xunta de Goberno aprobou unha axuda de 34.664,69 euros, para obras de restauración da cuberta do Pavillón Municipal de Deportes e, para o Concello de Lobeira para a contratación dunha adxunta de secretaría da administración xeral, unha axuda de 17.717 euros. Outra axuda aprobada foi para o Concello de Monterrei por importe de 20.000 euros para a limpeza, conservación e mantemento da contorna do Castelo de Monterrei e posta en funcionamento da Oficina de Turismo e, para o Concello de Paderne de Allariz para a adaptación da Escola de Figueiroá para velorio, unha achega de 10.000 euros.

Finalmente, ao Concello de Sarreaus destínanse para a reparación de vías municipais de 50.000 euros, e 44.213,40 euros para o Concello de Xinzo de Limia para a instalación de máquinas de frío nos velorios municipais; e o Concello de Xunqueira de Ambía recibirá unha achega de 8.000 euros para o Plan Piloto de creación de cooperativismo de horticultura neste municipio.

Asemade a Xunta de Goberno aprobou a lista de adhesións ao Convenio de cooperación entre o goberno provincial e os concellos da provincia para a prestación pola Deputación, do servizo de inspección dos tributos municipais para o período 2016-2019, no que se incluirían os concellos de Carballeda de Valdeorras e do Irixo.

Outros asuntos da reunión foron as resolucións dos concursos para a concesión de axudas, por unha parte a entidades deportivas e entidades sen ánimo de lucro para a organización de eventos deportivos no ano 2016, polo que se concede en total 50.155,23 euros a 46 entidades da provincia para disciplinas deportivas como o fútbol, o piragüismo, o xadrez, a ximnasia, a natación ou o baloncesto, entre outras. O outro concurso resolto refírese ás axudas a concellos para a organización de actividades culturais e recreativas correspondentes ao exercicio 2016, polo que se concede un total de 99.868,32 euros en achegas para levar a cabo este tipo de actividades.

A Xunta de Goberno aprobou tamén a expropiación forzosa para a execución da obra “Mellora, pavimentación e apertura dos accesos da rede viaria municipal”, no Concello da Peroxa, e en materia de facenda aprobáronse créditos de pagamento de facturas a proveedores por un importe total de 200.448,93 euros.

    Imprimir       Email

También te recomendamos...

La mercancía incautada

Detenidos en Oímbra dos vecinos de Portugal por un delito contra la propiedad industrial por transportar ropa falsificada por valor de 11.000 euros

Leer mas →