Leyendo...
Estás aquí:  Portada  >  Valdeorras  >  A Rúa  >  Artículo Actual

Plan de vialidade invernal na provincia: 102 profesionais, 1.935 toneladas de fundentes e 3 centros operativos

Por   /  03/11/2016 

    Imprimir       Email
  • A Xunta pon en marcha o Plan de vialidade invernal na provincia de Ourense con 102 profesionais, 1.935 toneladas de fundentes e 3 centros operativos que garantirán a seguridade viaria
  • O Plan, que estará en marcha ata o 30 de abril, aplícase en todas as estradas da rede autonómica desta provincia
  • As medidas a levar a cabo divídense en dous grandes grupos: preventivas, para anticiparse aos posibles problemas que poidan xurdir; e curativas, para incrementar a seguridade nas estradas
  • O obxectivo desta iniciativa é organizar os recursos coa fin de garantir as condicións de vialidade na rede de estradas, que se poden ver dificultadas no inverno por fortes choivas, placas de xeo, ou a aparición de neve

 

img_9438

 

A Xunta vén de poñer en marcha o Plan de vialidade invernal 2016- 2017 para a provincia de Ourense, que permanecerá activo ata o vindeiro 30 de abril, coa posta en marcha dun dispositivo que contempla 1.935 toneladas de reservas de fundentes, 102 profesionais e 50 máquinas.

Así mesmo, na provincia de Ourense existen 3 centros, que contemplan outros 3 subcentros en distintos puntos. O operativo contará tamén con 3 plantas de salmoira.

 
Centro COEX Subcentro de operacións Subcentro de vialidade invernal
Centros
OURENSE
Ourense
 
Ourense (en centro COEX)
Ourense (en centro COEX)
AG-53 e AG-54
Mouriz
(Enlace de Cea)
Celanova
Celanova (en subcentro)
Verín
Verín (en subcentro) AG-31 A Merca (Enlace de A Merca)
A Rúa
A Rúa (en subcentro)
TOTAL
1
3
 
2

O obxectivo desta iniciativa é establecer a organización e os procedementos de actuación dos recursos dispostos pola Xunta coa fin de garantir e mellorar as condicións de vialidade na rede de estradas da comunidade, que se poden ver dificultadas no inverno pola presenza de fortes choivas, a formación de placas de xeo, ou a aparición de neve, reducindo ao mínimo o número de tramos con restricións ao tráfico.
Protocolo de actuación

A Xunta ten establecido un procedemento para actuar en función das condicións meteorolóxicas nas que se atope a comunidade. As medidas divídense en dous grupos: preventivas, para anticiparse aos posibles problemas que poidan xurdir; e curativas, para garantir a vialidade e incrementar a seguridade nas estradas.

  • Situación normal: aínda que non haxa previsión de xeadas ou neve, mantense unha constante vixilancia do tempo, consultando os partes e previsións meteorolóxicas.
  • Previsión de xeadas: aplicaranse tratamentos preventivos, consistentes no esparexemento de fundentes, con dotacións baixas, nos treitos nos que sexa frecuente a aparición de placas de xeo; e realizarase un control especial das zonas problemáticas, e repetición do tratamento se é preciso.
  • Existencia de xeadas: cando se detecte a presenza de placas de xeo nalgunha estrada complementarase o tratamento anterior co esparexemento de fundentes, con dotacións máis altas.
  • Previsión de nevadas: esparexemento de sal ou salmoira nos tramos nos que se sexa frecuente a aparición de neve; control destas zonas problemáticas e repetición do tratamento se se detecta, debido á choiva, a perda do tratamento anterior.

Existencia de neve: paso da coitela quitaneves e extensión de fundentes. A partir de aí, realizarase un control intenso das estradas afectadas por se fose necesario realizar sucesivas aplicacións destas medidas.

    Imprimir       Email

También te recomendamos...

Certamen de Corales en Vilamartín

Leer mas →